«Забони давлатӣ ва рушди истилоҳот»-конфронс

Сентябрь 17, 2014 16:39

Душанбе, 17.09.2014. (АМИТ «Ховар», Мавҷуда Анварӣ).-  19 сентябри соли ҷорӣ дар Кохи Ваҳдат ба ифтихори Рӯзи забони давлатии Ҷумҳурии Тоҷикистон (5 октябр) таҳти унвони «Забони давлатӣ ва рушди истилоҳот» конфронси ҷумҳуриявии илмӣ баргузор мегардад. 
Дар назар аст, ки дар конфронс тамоми истилоҳшиносон ва донишмандони кишвар иштирок ва дар мавзӯъҳои «Танзим ва ташхиси истилоҳот дар мисоли як намуна аз вожаи форсӣ-тоҷикӣ», «Назаре ба усулҳои истилоҳсозии забони тоҷикӣ», «Танзим ва ҳамоҳангсозии истилоҳоти анатомӣ дар забони тоҷикӣ», «Оид ба рақобати истилоҳоти миллӣ ва байналмилалӣ», «Монеаҳо дар роҳи эҳёи истилоҳот ва истилоҳофаринӣ», «Вазъи истилоҳнигории забони тоҷикӣ дар даврони Истиқлолият», «Корбурди чанд истилоҳи нуҷум дар «Шоҳнома»-и Фирдавсӣ», «Мавқеи истилоҳоти дипломатӣ дар забони тоҷикӣ», «Ташаккул ва таҳаввули низоми истилоҳоти тиббӣ дар «Захираи Хоразмшоҳӣ»-и Муҳаммад Исмоили Ҷурҷонӣ», «Таҳлили вожаҳои суғуртавӣ», «Мушкилоти истилоҳоти забоншиносӣ», «Мавқеи истилоҳоти байналмилалӣ дар осори Фарзона», «Мухтасар дар бораи инкишофи истилоҳоти муосири техникӣ» ва «Шоҳнома ва рушди истилоҳоти забони тоҷикӣ» маърӯза хоҳанд кард.
Тавре ки  раиси Кумитаи забон ва истилоҳоти назди Ҳукумати кишвар Гавҳар Шарофзода ба хабарнигори АМИТ «Ховар» иброз намуд, конфронс ба Рӯзи забони давлатӣ, ки панҷ сол боз 5-уми октябр ҷашн гирифта мешавад, бахшида шудааст. 

Сентябрь 17, 2014 16:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд