Қурби доллари ИМА каме паст шуд
Душанбе, 02.10.2014. (АМИТ «Ховар», Кристина Эрлих). — Тавре ки аз маркази матбуоти Бонки миллии Тоҷикистон ба АМИТ «Ховар» хабар доданд, тайи ҳафтаи ҷорӣ қурби доллари ИМА дар нуқтаҳои мубодилаи асъори ҷумҳурӣ каме поин фуромад.
Имрӯз, 2 октябр, қурби миёнаи доллари ИМА дар нуқтаҳои мубодилаи асъори шаҳри Душанбе 5,1500-5, 1650 сомонӣ, дар шаҳри Хуҷанд 5,1770- 5, 1820 сомонӣ ва шаҳри Қӯрғонтеппа 5, 1600 — 5, 1700 сомониро ташкил дод.
Қурби миёнаи евро низ каме поин фаромада, 6,6140-6, 6540 сомонӣ барои як евроро ташкил дод. Қурби рубли Русия ба андозае баланд шуда, баробари 0,1330-0, 1350 сомонӣ барои як рубли Русия буд.