Ҷамъбасти натиҷаи фаъолият

Душанбе, 08.10.2014. (АМИТ «Ховар», Кристина  Эрлих). – Чанде  пеш  дар  шаҳри  Душанбе  машварати  ҳайати  зудамалу роҳбарикунандаи Агентии  назорати  маводи  нашъаовари   назди Президенти  ҶТ аз рӯи натиҷаи  кор тайи  9  моҳи  соли  ҷорӣ  баргузор  гардид. 
Тавре  ки Агентии  назорати  маводи  нашъаовари   ҶТ  хабар  медиҳад,  дар  машварат масоили   фаъолияти   фаврии  раёсату  шуъбаҳои Дастгоҳи  марказӣ  ва   раёсатҳои  вилоятии Агентӣ,  ҳамчунин  ҷараёни  татбиқи  «Стратегияи   миллии  мубориза  бо  гардиши ғайриқонунии   маводи  мухаддир   дар Ҷумҳурии  Тоҷикистон  барои  солҳои  2013 – 2020» баррасӣ  шуд. 
Роҳбарони  хадамоту раёсатҳо  зимни  суханрониашон  бархе  нуқсонҳои  ташкили  фаъолияти  фаврӣ, масоили  ҷилавгирии қочоқи   маводи  мухаддир, ошкор  ва  пешгирии фаъолияти  гуруҳҳои муташаккили  ҷинояткорро  баррасӣ  намуданд.
Дар  машварат  ҳамчунин  масоили ҷилавгирии   нашъамандӣ   дар  минтақаҳои  ҳамсарҳади  Афғонистон ва ҷануби  ҷумҳурӣ  мавриди  муҳокима  қарор гирифтанд.