3-4 октябр ба ярмарка-фурӯш шитобед!

     Душанбе, 01.09.2014.(АМИТ «Ховар», Марзия Саидзода).-Рӯзҳои 3 ва 4 октябри соли равон шаҳрдории Душанбе тасмим дорад, ки ба ифтихори иди саиди Қурбон бо ҷалби иқтидори Корхонаҳои воҳиди давлатии «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе», «Бозори Шоҳмансур», «Бозори  Саховат», «Бозори Деҳқон» ва «Бозори Қарияи Боло» ва дигар бозорҳои хусусӣ  ярмарка- фурӯши маҳсулоти кишварзию саноатиро ташкил намояд. 
 Ин тадбир бо мақсади ғанӣ гардонидани хони идонаи сокинони пойтахт андешида шудааст. Дар иртибот ба ташкили ярмаркаҳо  шаҳрдорӣ  зимни баргузории ҷаласаи ихтисосӣ ба масъулини сохторҳои марбутаи пойтахт дастур додааст, ки назорати санитарию эпидемиологӣ, ветеринарӣ, беҳдошти маҳсулоти кишоварзӣ ва чораҳои зиддисӯхториро дар бозорҳои  истеъмолии шаҳр тақвият бахшанд.