Афзоиши хонандагон дар мактабҳои хусусӣ
Душанбе, 16.10.2014. (АМИТ «Ховар», Зарангези Латиф).-Соли хониши ҷорӣ теъдоди умумии ҳамаи намуди мактабҳои таҳсилоти умумӣ дар шаҳру ноҳияҳои вилояти Суғд 913 ададро ташкил намуд, ки дар онҳо 471 ҳазору 628 нафар хонанда, аз ҷумла 229 ҳазору 810 нафар духтар ба таҳсил фаро гирифта шуд.
Тибқи иттилои Хадамоти матбуоти раиси вилояти Суғд, аз ҷумла 21 адад мактаби ғайридавлатӣ бо фарогирии 7829 нафар хонанда, 34 гимназия бо 23 ҳазору 854 нафар ва 23 литсей бо 8 875 нафар хонанда амал менамояд.
Бояд гуфт, ки дар соли таҳсили ҷорӣ миқдори хонандагони мактабҳо 7862 нафар, аз ҷумла духтарон 3865 нафар ва хонандагони мактабҳои ғайридавлатӣ 660 нафар зиёд гардид.