Барномаи амнияти озуқавории кишвар барои солҳои 2016-2020

Душанбе, 17.10.2014. (АМИТ Ховар,  Ситораи Боймурод).- Тибқи иттилои Академияи илмҳои кишоварзии Ҷумҳурии Тоҷикистон аз тарафи олимон Консепсияи пешрафти инноватсионии комплекси агросаноатии кишвар пешниҳод  шуд, ки он бо Қарори Ҳукумати Ҷумҳурии Тоҷикистон аз 3-юми марти соли равон тасдиқ гардид.
Ба лоиҳаи «Барномаи давлатии барқарорсозии яхдону сардхонаҳо барои захираи маҳсулоти кишоварзӣ дар Ҷумҳурии Тоҷикистон» тағйироту иловаҳои илман асоснок дохил намуда, ба Вазорати кишоварзии кишвар пешниҳод  шуданд.
Аз ҷумла, дар банди 8-и лоиҳаи мазкур гузаронидани мониторинг оид ба муайян намудани ҳолати коршоямии сардхонаҳо пешниҳод гардид.
Бо иштироки олимон лоиҳаи «Барномаи амнияти озуқавории кишвар барои солҳои 2016-2020» таҳия гардид, ки он ба Вазорати кишоварзии Ҷумҳурии Тоҷикистон пешниҳод  мешавад.
Модели минтақавӣ-дифференсиалии сиёсати рушди босуботи минтақаҳои деҳоти ҷумҳурӣ ба итмом расонида шуд.
Вобаста ба амалӣ намудани дастовардҳои инноватсионӣ дар истеҳсолот самараи иқтисодии бунёди боғҳои интенсивӣ бо нишондиҳандаҳои  назарраси фарқкунанда нисбат ба боғҳои анъанавӣ дар шароити табиию иқлимии ҷумҳурӣ пешниҳод гардид.