Баррасии ҳамкориҳои техникӣ дар мизи мудаввар
Душанбе, 09.10.2014. (АМИТ «Ховар», Лайло Тоирӣ)- Дар Вазорати меҳнат, муҳоҷират ва шуғли аҳолии Ҷумҳурии Тоҷикистон 7 октябри соли 2014 мизи мудаввар дар мавзӯи «Имкониятҳои такмили барномаҳои бозомӯзӣ ва барномаҳои таълимӣ дар низоми таҳсилоти касбӣ дар Ҷумҳурии Тоҷикистон» дар доираи лоиҳаи «Татбиқи стратегияи касбомӯзии гурӯҳи бистум» баргузор гардид.
Мақсади лоиҳаи мазкур ҳамкориҳои техникӣ буда, аз ҷониби Федератсияи Русия ба муҳлати 3 сол (2012-2015) маблағгузорӣ ва аз ҷониби Ташкилоти байналмилалии меҳнат амалӣ мешаванд. Лоиҳа ба такмил ва беҳсозии таҳсилот ва омӯзиши касбӣ дар кишварҳои Арманистон, Қирғизистон, Тоҷикистон, Иордания ва Ветнам, ки иштирокчии лоиҳа мебошанд, равона шудааст.
Тавре ки аз раёсати муносибатхои байналхалқӣ ва робита бо ҷомеаи Вазорати меҳнат, муҳоҷират ва шуғли аҳолӣ иттилоъ доданд, дар мизи мудаввар мушовири аввали техникии лоиҳа Жан Дюронсуа, ҳамоҳангсози лоиҳа Елена Кудрявсева ва коршиносони Агентии меҳнат ва шуғли аҳолии вазорат, Муассисаи давлатии «Маркази таълимии калонсолон», Маркази таълимӣ-методӣ ва мониторинги сифати таълим, инчунин муассисаҳои касбӣ-техникӣ иштирок доштанд.
Мутобиқи барномаи ҷаласа дар чорабинии мазкур пешниҳодҳо ва имкониятҳои такмили барномаҳои бозомӯзӣ ва барномаҳои таълимӣ дар низоми таҳсилоти касбӣ дар Тоҷикистон: мушкилотҳо, имкониятҳо ва пешрафти онҳо баррасӣ гардиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






