Бунёди боғи интенсивӣ бо ниҳолҳои Сербия

Душанбе, 13.10.2014. (АМИТ «Ховар, Зарангези Латиф).- Тибқи иттилои Академияи илмҳои кишоварзии мамлакат аз ҳисоби ниҳолҳое, ки соли гузашта тайёр карда шудаанд, дар хоҷагии таҷрибавии «Сунбула»-и ноҳияи Ҳисор дар майдони 0, 40 гектар, дар филиал дар вилояти Суғд дар майдони 1 гектар ва дар истгоҳи таҷрибавии зироатҳои субтропикии ноҳияи Ҷ. Румии институт дар майдони 1 гектар аз 40 навъу намунаи шафтолу  ва 12 навъи бодом коллексия бунёд шуд.
Аз тарафи олимони институт дар қитъаҳои наздиҳавлигии деҳаи «Қади об»-и ноҳияи Роғун дар майдони 0,02 гектар, дар деҳаи Бӯстони ноҳияи Файзобод дар майдони 0,02 гектар аз ҳисоби ниҳолҳое, ки бо ташаббуси Ҳукумати Ҷумҳурии Тоҷикистон аз давлати Сербия ворид гардидаанд, боғи интенсивӣ бунёд шуд ва технологияи парвариши онро ба роҳ монданд.