Чорабинӣ бахшида ба 85-солагии «Тоҷиккино»

Душанбе, 17.10.2014. (АМИТ “Ховар”, Ситораи Боймурод).- Дирӯз  бахшида ба ҷашни 85 — солагии «Тоҷиккино» дар мактаб — интернати ёрирасони шаҳри Хуҷанд  чорабинии идона доир гардид.
 
Тавре ки дар ин бора хадамоти матбуоти раиси вилояти Суғд хабар додааст, дар чорабинӣ меҳмонон аз шаҳру ноҳияҳои вилоят иштирок намуданд. Ба самъи ҳозирин табрикоти раиси вилояти Суғд Абдураҳмон Қодирӣ оид ба 85-солагии кинои тоҷик расонида шуд. Сипас ба собиқадорони соҳаи мазкур сипосномаҳо аз тарафи намояндаи мақомоти иҷроияи ҳокимияти давлатии вилоят супорида шуданд.
 
Гуфта мешавад, ки баъд аз чорабинии расмӣ барои хонандагони мактаб — интернат аз тарафи Корхонаи фаръии давлатии «Тоҷиккино» дар вилояти Суғд кино намоиш дода шуд.