Чорабинии «Шафақ» дар пойтахт
Душанбе, 16.10.2014. (АМИТ «Ховар», Лайло Тоирӣ).-Ба муносибати 20-солагии қабули Конститутсияи Ҷумҳурии Тоҷикистон Ташкилоти ҷамъиятии мададгори мудофиаи ҷумҳурӣ дар қаламрави ҷумҳурӣ бозии ҳарбӣ — варзишии «Шафақ» — ро гузаронида истодааст. 17 октябри соли равон дар шаҳри Душанбе даври ниҳоии бозии мазкур байни дастаҳои мунтахаби шаҳру ноҳияҳои Роғун, Файзобод, Ваҳдат, Норак, Ёвон, Рўдакӣ, Ҳисор, Шаҳринав, Турсунзода ва навоҳии шаҳри Душанбе доир мегардад. Иштирокдорони бозӣ аз рўи намудҳои давидан ба масофаи 100 метр, турниккашӣ, норинҷакпартоӣ, пўшидани ниқоби зидди газӣ, сафороӣ, тирпарронӣ аз яроқи пневматикӣ ва ба қисмҳои ҷудо намудани яроқ миёни худ сабқат хоҳанд намуд.
Ташаббускори баргузории чорабинӣ Ташкилоти ҷамъиятии мададгори мудофиаи ҷумҳурӣ буда, он дар доираи Барномаи «Тарбияи ҳарбӣ-ватанпарастӣ ва рушди намудҳои варзиши ҳарбӣ-амалӣ дар байни наврасону ҷавонони синни тодаъватӣ ва даъватии Ҷумҳурии Тоҷикистон барои солҳои 2012 — 2015» ва гузаронида мешавад.
Дастаи ғолиб барои иштирок дар даври ҷумҳуриявии мусобиқа ҳуқуқ пайдо хоҳад намуд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
