Дастовардҳои МБС дар Тоҷикистон

Душанбе, 17.10.2014. (АМИТ «Ховар», Фарзона  Достонзода). – 16  октябр  дар   ҷаласаи   навбатии Кумитаи  мушоҳидаи  лоиҳаҳо дар  шаҳри  Душанбе  фаъолият,  дастовардҳо,  масоил  ва  иқдомоти  минбаъдаи   лоиҳаҳои Маркази  байналмилалии  савдо  дар  Тоҷикистон  мавриди  муҳокима  қарор  гирифтанд. 
Тавре  ки   аз   Маркази  байналмилалии  савдо  дар  Тоҷикистон   ба  АМИТ «Ховар»  хабар  доданд, маркази  мазкур  дар Ҷумҳурии  Тоҷикистон  се  лоиҳаеро, ки  ҳукумати  Швейтсария  дар  ҳошияҳои Барномаи  ҳамкории  бахши  савдо  дар  ҶТ маблағғузорӣ  менамояд, дар  амал татбиқ  мекунад. Кумитаи  мушоҳидаи  лоиҳаҳо  ба  манзури   дастгрии   фаъолияти   лоиҳаҳо ва  таъмини  шаффофияти  татбиқи  онҳо таъсис  ёфта буд.  Ба  ҳайати  Кумитаи  мушоҳидаи  лоиҳаҳо  намояндагони  бархе  вазорату  идораҳои Котиботи   давлатии  Швейтсария  оид ба иқтисодиёт  ва  бахши  инфиродӣ шомиланд.