Даври ниҳоии машқҳои тактикӣ
Душанбе, 15.10.2014. (АМИТ «Ховар», Бекназари Абӯбакр). — Имрӯз, 15 октябри соли 2014 дар машқгоҳи ҳарбии «Нурафзо»-и гарнизони ҳарбии вилояти Суғд даври ниҳоии машқҳои тактикии ҷузъу томҳои хушкигард, ки дар вилояти Суғд мустақаранд, оғоз гардид.
Аз маркази матбуоти Вазорати мудофиа ба АМИТ «Ховар» иттилоъ доданд, ки дар ин машқҳо беш аз 50 адад техникаи зиреҳпӯш, артиллерияҳои худгард, навъҳои гуногуни тӯп, техникаҳои автомобилӣ ва зиёда аз 600 нафар хизматчии ҳарбии ротаҳои тактикии қисму воҳидҳои низомии гарнизони вилояти Суғд ҷалб мешаванд.
Машқҳои мазкур дар доираи нақшаи ягонаи тайёрии ҷангӣ дар Қувваҳои мусаллаҳи Ҷумҳурии Тоҷикистон доир шуда, ҳадафи онҳо сайқал додани омодагии ҷангии ҳайати шахсӣ, баланд бардоштани маҳорати касбӣ ва хуб аз бар кардани истифодаи лавозимоти ҷангӣ мебошад.
Машқҳои ҳарбӣ таҳти роҳбарии фармондеҳи Қӯшунҳои хушкигард Эмомалӣ Собирзода ҷараён гирифта, аз ҷониби сардори ситоди генералии Қувваҳои мусаллаҳ, муовини аввали вазири мудофиа Зариф Шарифзода назорат мешаванд.
Имрӯз дар дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
