Дурнамои рушди устувори иқтисодиёти миллӣ

Душанбе, 15.10.2014. (АМИТ “Ховар”, Ситораи Боймурод).- 27-уми ноябри соли равон дар Донишгоҳи давлатии ҳуқуқ, бизнес ва сиёсати Тоҷикистон конфронси илмию амалии ҷумҳуриявӣ таҳти унвони «Тоҷикистон дар асри XXI: дурнамои рушди устувори иқтисодиёти миллӣ» баргузор мегардад.
Тавре ки дар ин бора хадамоти матбуоти раиси вилояти Суғд хабар додааст, конфронс дар асоси нақшаи баргузории машваратҳои илмӣ ва илмию техникӣ, конфронсҳо, симпозиумҳо, анҷуманҳо ва семинарҳо дар муассисаҳои таҳсилоти олии касбӣ ва илмии Вазорати маориф ва илми Ҷумҳурии Тоҷикистон доир гардида, он дар бахшҳои «Иқтисодиёти миллӣ: стратегияи рушди устувор» ва «Иқтисодиёти минтақа: муаммо ва роҳҳои ҳалли онҳо» ба роҳ монда мешавад.