Э.Раҳмон: маориф аз соҳаҳои афзалиятноки иқтисодиёти миллист

Душанбе, 14.10.2014. (АМИТ «Ховар», Зарангези Латиф).- Имрӯз Сарвари Давлат зимни суханронии хеш дар мулоқот бо соҳибкорони кишвар зикр намуд, ки соҳаи маориф яке аз соҳаҳои афзалиятноки иқтисодиёти миллӣ ба шумор меравад ва рушди ояндаи кишвар аз пешравии он вобаста мебошад.
Ҳамчунин таъкид намуд, ки моро зарур аст ба рушди соҳибкорӣ дар ин соҳаи ниҳоят муҳим тавассути ташкили мактабҳо, литсею гимназияҳо, боғчаҳои хусусӣ ва дигар муассисаҳои таҳсилоти иловагӣ эътибори ҷиддӣ диҳем.
Президенти мамлакат Эмомалӣ Раҳмон дар идомаи суханронии хеш зикр намуд, ки пешниҳод менамоям, ки бо мақсади ҳавасманд намудани бахши хусусӣ ба рушди соҳаи маориф ва тақвият додани сармояи зеҳнӣ дар бобати муқаррар намудани меъёри пасткардашудаи андоз аз арзиши иловашуда барои муассисаҳои таълимӣ чораҷӯӣ  шавад.