Форуми гурӯҳи ҳамдастӣ дар Суғд
Душанбе, 16.10.2014. (АМИТ «Ховар», Зарангези Латиф).- Чанде пеш дар осоишгоҳи “Баҳористон”, воқеъ дар шаҳри Қайроққуми вилояти Суғд форуми гурӯҳи «Ҳамдастӣ-2014» дар мавзӯи “Пурзӯр намудани имкониятҳои иқтисодии занони деҳот тавассути мустаҳкам намудани ҳамфикрӣ ва якдилӣ, беҳтар намудани дастрасии онҳо ба захираҳо: таҷрибаи манфиатбарони барномаи минтақавии муҳоҷират дар Қирғизистон ва Тоҷикистон” оғоз ёфт.Тавре ки аз дафтари матбуоти раиси вилояти Суғд иттилоъ доданд, дар чорабинӣ сухани табрикии муовини раиси вилояти Суғд Раъно Маҳмудзода, мутахассиси барномавии Вазорати тараққиёти байналмилалии Британияи Кабир дар Тоҷикистон Гулнора Муҳаммадиева ва менеҷери Барномаи минтақавӣ оид ба муҳоҷират Павел Шалус шунида шуд.