Хатми кори мактаби байналмилалии астрофизикҳо

Душанбе, 17.10.2014. (АМИТ «Ховар», Кристина  Эрлих). – 40  нафар  олимони  ҷавони  кишварҳои  ИДМ таҷрибаомӯзиро  дар Маркази тадқиқоти илмии  байналмилалии  «Помир – Чақалтой»,  ки  дар  баландии  4 ҳазору  370  метр  аз  сатҳи  баҳр  воқеъ  аст,  анҷом  дода, ҳамаи  иштирокдорони  он шаҳодатномаҳо  ба даст  оварданд. Дар  ин  бора  аз Бунёди  байналмилалии  ҳамкории башардӯстона  ба  АМИТ «Ховар»  хабар  доданд. 
Директори Бунёди  байналмилалии  ҳамкории  башардӯстонаи  давлатҳои  узви  ИДМ  Анатолий Иксанов  ба  мутахассисону  аспирантҳои  ҷавон  шаҳодатномаҳоро  дар  бораи  иштирок дар  ин  ҳамоиши  нодири  илмӣ  супурда,  аҳамияти  хосаи  чунин  лоиҳаҳо  барои тақвияти  неруи  илмии  ҳамаи   кишварҳои  Иттиҳодро хотирнишон  сохт.
Ёдовар  мешавем, ки  маркази  тадқиқотии «Помир – Чақалтой»  5  сол  боз  мавриди истифодаи  якҷояи  Русия  ва  Тоҷикистон  қарор  дорад. Президенти  Академияи  илмҳои  Тоҷикистон  Фарҳод  Раҳимов   иброз  дошт, ки  ба  туфайли  дастгирии Бунёди байналмилалии  ҳамкории  башардӯстона  олимони  ҷавони  ҳамаи  кишварҳои  ИДМ  аз имкониятҳои  технологии  ин озмоишгоҳи  баландкӯҳ  бархӯрдоранд.