Ифтитоҳи роҳи нави мошингард
Хоруғ, 16.10.2014. (АМИТ «Ховар», Файз Мирасан).-Сохтмони нахустин роҳи мошингард дар масири деҳаи Бидурд-Сипинзи ноҳияи Шуғнон анҷом дода шуда, он ба таври расмӣ мавриди баҳрабардорӣ қарор гирифт. Бо бунёди ин роҳ мушкили 318 хоҷагии деҳаҳои Бидурд, Сипинз ва Рож аз миён бардошта шуд.
Ин барнома дар асоси тавофуқоти сеҷониба дар миёни мақомоти маҳаллии ҳокимияти давлатии ноҳияи Шуғнон, маблағгузории Оҷонсии Ҷопон оид ба ҳамкории байналмиллалӣ ва МСДСП-и ноҳияи Шуғнон роҳандозӣ шудааст.
Дар маросими расмии ба истифода супоридани роҳ раиси ноҳияи Шуғнон Азиз Ғиёев ширкат варзида, аз ҳамкориҳои мақомоти маҳаллӣ ва ташкилотҳои байналмиллалӣ ҷиҳати пиёдасозии барномаҳои рушди деҳот изҳори қаноатмандӣ намуда, гуфт, ки бо бунёд гардидани ин роҳ мушкилоти сокинони се деҳаи баландкӯҳи ноҳияи Шуғнон пушти сар шуд. Қаблан маскунони ин деҳа барои интиқоли бор ва дигар эҳтиёҷоти сохтмониву хонаводагӣ аз роҳи 8-километраи деҳаи Рож истифода мекарданд ва бештари молу маводро дастӣ интиқол медоданд.
Дарозии роҳи нави деҳаи Сипинзи ҷамоати Суҷон ду километр буда, бартарии дигари он дар ин аст, ки роҳи мазкур дар фасли зимистон низ боз буда, дастрасии мардумро ба бозори шаҳр осон менамояд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






