Иншоотҳои ғайриманқул шахсӣ карда мешаванд

Душанбе, 28.10.2014. (АМИТ «Ховар», Кристина  Эрлих). – Аз  моҳи  январ  то  моҳи  сентябри  соли равон  дар  ҷумҳурӣ 133  иншооти   ғайриманқул ва  аз  оғози  хусусигардонӣ (соли  1991) то  имрӯз  12  ҳазору  417  иншоот  хусусӣ  карда  шудааст. Дар  ин  бора  аз  Кумитаи  давлатии  сармоягузорӣ  ва идораи  амволи  давлатӣ  ба  АМИТ «Ховар»  хабар  доданд. 
Ҳиссаи  иншоотҳои  хусусӣ  кардашуда  дар  ҳамин   давра аз  рӯи қиёси  ҳудудӣ  дар  шаҳри  Душанбе  7,5  фоиз,  вилояти  Суғд 51,9  фоиз, вилояти  Хатлон 16,5  фоиз, ВМКБ  3,8  фоиз  ва  ноҳияҳои тобеи  ҷумҳурӣ  20,3  фоизро ташкил  медиҳад. 
То  1  октябри  соли  2014  дар  ҷумҳурӣ  аз  оғози  хусусигардонӣ  274  ҳазору 100  хона хусусӣ  намуда, аз ҷумлаи  онҳо  197 ҳазору  900  хона  фурӯхта,  4  ҳазору  100  хона  бо  пардохти  нопурра  ба  аҳолӣ  супурда  ва  72  ҳазору  100  хона ба таври  маҷҷонӣ  хусусӣ  карда шудааст. 
Тайи  9  моҳи  соли  ҷорӣ  дар  ҷумҳурӣ 2  ҳазору  541  хона,  аз ҷумла  дар  ВМКБ  11  хона,  вилояти  Суғд  637  хона, вилояти  Хатлон  540  хона,   ноҳияҳои тобеи  ҷумҳурӣ 139 хона ва   дар шаҳри  Душанбе  1214  хона  хусусӣ   карда шудааст.