Интихоботи парлумони Қазоқистон мутобиқи қонун баргузор мешавад

Душанбе, 01.10.2014. (АМИТ «Ховар», Екатерина   Пасторова). – Ҳамоҳангсози гуруҳи  мушоҳидони  байналмилалӣ  аз  Ассамблеяи  байнипарлумонии  ИДМ – раиси  Кумитаи  Маҷлиси  миллии  Маҷлиси  Олии  Ҷумҳурии  Тоҷикистон  оид  ба  танзими  фаъолияти Маҷлиси  миллӣ  бо Маҷлиси  намояндагон, ҳокимияти  иҷроия,  иттиҳодияҳои  ҷамъиятӣ,  васоити  ахбори омма  ва  равобити байнипарлумонӣ  Фарҳод  Раҳимӣ   изҳори  умедворӣ  кард, ки  интихоботи   вакилони палатаи  болоии Парлумони  Қазоқистон  дар  вазъияти  ором  ва  мутобиқи  қонунгузории   миллӣ баргузор  мегардад.
Фарҳод  Раҳимӣ  ҳамчунин  қайд  намуд, ки  мушоҳидони  Ассамблеяи  байнипарлумонии   давлатҳои  узви  Иттиҳоди  Давлатҳои  Мустақил  маъракаи  интихоботиро   дар   бархе   шаҳру  марказҳои  вилоятии  Ҷумҳурии  Қазоқистон   назорат  карда,  бо  номзадҳои  вакилони  Сенати  Парлумон ва   роҳбарияти  комиссияҳои  вилоятии интихобот  вомехӯранд.