Кӯдакон маводи мухаддир ёфтанд

Хоруғ, 16.10.2014. (АМИТ «Ховар», Файз Мирасан).-Ду тан аз хонандагони мактаби таҳсилоти умумии  рақами 4-и деҳаи Шидзи ноҳияи Рӯшон Сураҷ Дилбаров ва Муҷиб Бахтибеков ҳангоми ҷамъ намудани  ҳезум  дар  соҳили дарёи Панҷ як бастаи  полиэтилениро  пайдо намуда,  фавран ба омӯзгорони мактаб  ва неруҳои  амниятӣ хабар доданд.
 Ташхис нишон дод, ки дар ин баста  маводи нашъадори навъи  ҳашиш нигаҳдорӣ шуда, барои интиқоли минбаъда дар лаби дарё пинҳон кардаанд.
Дар робита ба ин иқдом дар мактаб ҷамъомади бошукӯҳ доир гашт, ки дар он сардори раёсати Агентии назорати маводи нашъаовари назди Президенти Ҷумҳурии Тоҷикистон Муртазо Ҳайдарзода, муовини сардори раёсати  маорифи  вилоят Тоҷиддин Орумбеков ширкат доштанд ва аз ин рафтори хонандагон изҳори сипос намуда, ба онҳо ифтихорномаи раёсати мазкур ва  мукофоти пулӣ такдим карданд.