Маҳфили шеъри Фарзона дар ДДХ

Душанбе, 9.10.2014. (АМИТ «Ховар», Зарангези Латиф).- Бахшида ба 50-солагии Шоири халқии Тоҷикистон, дорандаи Ҷоизаи ба номи  Рӯдакӣ — Фарзона бо иштироки устодон, пайвандон, шогирдон, меҳмонон аз Ҷумҳурии Исломии Эрон ва ҳаводорони ашъори Фарзона дар факултаи филологияи тоҷики Донишгоҳи давлатии Хуҷанд ба номи академик Бобоҷон Ғафуров маҳфили шеър баргузор шуд.
Тавре ки сомонаи расмии раиси вилояти Суғд хабар додааст, дар маҳфил чанд нафар устодони донишгоҳ доир ба тасвир ва ҷойгоҳи рубоӣ дар ашъори Фарзона маърӯза карданд.
Инчунин оид ба ҳаёт ва эҷодиёти Фарзона дорандаи Ҷоизаи Рӯдакӣ Атахон Сайфуллоев, шоир Нурмуҳаммад Ниёзӣ   сухан гуфтанд.
Гуфта мешавад, ки қироати ашъори Фарзона аз ҷониби донишҷӯён хотири ҳозиринро болида сохт.