Маҳсулоти «Хуаксин Ғаюр Семент» меафзояд
Душанбе, 10.10.2014. (АМИТ «Ховар», Кристина Эрлих). – Тайи 9 моҳи соли ҷорӣ дар Тоҷикистон 864 ҳазору 300 тонна семент тавлид шуд, ки назар ба ҳамин давраи сол гузашта баробари 774 ҳазору 600 тонна зиёд аст. Дар ин бора аз Вазорати саноат ва технологияҳои нави ҶТ ба АМИТ «Ховар» хабар доданд.
Қисми зиёди сементи дар ҷумҳурӣ истеҳсолшуда ҳиссаи корхонаи «Хуаксин Ғаюр Семент» мебошад. Корхонаи мазкур то ин дам 652 ҳазору 400 тонна семент истеҳсол кардааст.
Мувофиқи пешбинии мутахассисон, то охири соли ҷорӣ истеҳсоли семент дар кишвар ба 1 миллион тонна расонида мешавад, ки ин вуруди семент ба кишварро, бешубҳа, коҳиш медиҳад.
Алҳол дар Тоҷикистон 10 корхонаҳои семент фаъолият доранд, ки «Хуаксин Ғаюр Семент» ва «Сементи тоҷик» калонтарини онҳо ба шумор мераванд.
Ёдовар мешавем, ки соли 2013 дар Тоҷикистон 385 ҳазор тонна семент истеҳсол шуда, тавлиди он нисбат ба нишондодҳои соли гузашта баробари 75 фоиз афзуд.