Минск: ҷамъбасти натиҷаи ҳамоиши СҲШ дар Душанбе
Душанбе, 02.10.2014. (АМИТ «Ховар», Мавҷуда Анварӣ). — 30 сентябр сафири Тоҷикистон дар Беларус, намояндаи доимии Тоҷикистон дар мақомоти расмӣ ва мақомоти дигари ИДМ Қозидавлат Қоимдодов дар шаҳри Минск дар ҷаласаи Шӯрои намояндагони ваколатдори доимии давлатҳои узви Иттиҳоди Давлатҳои Мустақил аз натоиҷи ҷаласаи Шӯрои сарони давлатҳои Созмони ҳамкории Шанхай, ки 11-12 сентябр дар шаҳри Душанбе баргузор гардид, нақл кард.
Мавсуф қайд намуд, ки сарони давлатҳо масоили мубрами амнияти байналмилалӣ ва минтақавиро мавриди баррасӣ қарор дода, ба ҳамкории давлатҳои узви СҲШ дар заминаи СММ ва ҳошияи созмони байналмилалии мазкур таваҷҷӯҳи хоса зоҳир намуданд.
Дипломати тоҷик ҳамчунин қайд намуд, ки аз рӯи натоиҷи ҳамоиш беш аз 10 ҳуҷҷат ба имзо расид, ки ҳам барои давлатҳои узви СҲШ ва ҳам барои рушду тақвияти ин созмон аҳамияти бориз дорад.