Мулоқот бо ҷавонони синни даъватии пойтахт
Душанбе,08.10.2014 (АМИТ “Ховар”, Фарзонаи Давлат).- Ҳафтаи равон дар ноҳияҳои Сино, Сомонӣ, Шоҳмансур ва Фирдавсии шаҳри Душанбе дар асоси дастуру супоришҳои раиси Комиссияи даъвати ҷумҳурӣ, муовини Сарвазири Ҷумҳурии Тоҷикистон Марҳабо Ҷабборӣ, муовини Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Мавсума Муинӣ бо масъулини мақомоти иҷроияи ҳокимияти давлатӣ, раисони шаҳраку маҳаллаҳо, фаъолон, аъзои комиссияи даъвати ноҳиявӣ ва ҷавонони синни даъватӣ вохӯриҳо доир намуд.
Бино ба иттилои Кумитаи ҷавонон, варзиш ва сайёҳӣ дар ҷараёни чорабинӣ аъзои Комиссияи даъвати ҷумҳурӣ ва меҳмонон перомуни тарбияву таълими дурусти наврасону ҷавонон сухан карда,онҳоро ҷиҳати саҳм гузоштан дар ободии диёр, таҳкими ваҳдати миллӣ, таъмини амният, ҳимояи марзу буми кишвар ҳидоят намуданд.
Дар фарҷоми мулоқотҳо маҳфили саволу ҷавоб доир шуда, миёни иштирокдорон мубодилаи афкор сурат гирифт.
Гуфта мешавад, ки ҳадафи баргузории мулоқотҳо, пеш аз ҳама татбиқи саривақтии Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати хизмати муқарраргардидаи ҳарбиро адо намудаанд ва даъвати навбатии шаҳрвандони солҳои таваллуди 1987-1996», пешгирии шомилшавии ҷавонон ба ҳар гуна ҳизбу ҳаракатҳои иртиҷоӣ, паст кардани сатҳи ҷинояткорӣ миёни ҷавонон мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






