Мулоқоти Қоҳир Расулзода бо Илҳом Алиев

Душанбе, 17.10.2014 (АМИТ «Ховар», Фарзонаи Давлат).-Дар доираи сафари расмии Президенти Ҷумҳурии Озарбойҷон Илҳом Алиев ба Ҷумҳурии Тоҷикистон дирўз мулоқоти  меҳмони олиқадр бо Сарвазири Ҷумҳурии Тоҷикистон Қоҳир Расулзода доир гардид. Дар мулоқот вазъи кунунӣ ва дурнамои  ҳамкориҳои байниҳукуматии Тоҷикистону Озарбойҷон дар соҳаҳои мавриди таваҷҷуҳ баррасӣ шуд. Ҷонибҳо доир ба таҳкими робитаҳои дуҷонибаи байниҳукуматӣ табодули афкор карда, барои ба сатҳи боз ҳам беҳтар расонидани ин муносибатҳо зарурати фаъолсозии кори комиссияи байниҳукуматии  Ҷумҳурии Тоҷикистон ва Ҷумҳурии Озарбойҷон оид ба ҳамкориҳои иқтисодӣ-тиҷоратӣ ва истифодаи пурраи имконоту захираҳои мавҷудаи таҳкимбахшандаи ҳамкориҳоро таъкид намуданд.