Мулоқоти М. Убайдуллоев бо А. Воробёв

    Душанбе, 23.10.2014.(АМИТ «Ховар», Марзия Саидзода).-Дар доираи сафари расмиаш раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев ба Русия бо губернатори вилояти Маскав Андрей Воробёв мулоқот анҷом дод. 
  Дар мулоқот масоили марбут ба ҳимояи ҳуқуқи муҳоҷирони меҳнатӣ,  таъсиси марказҳои логистикӣ баҳри интиқолу рушди тиҷорати молистеҳсолкунандагони Тоҷикистон дар ин вилоят, мусоидат дар ташкили мактабҳои тоҷикӣ барои тоҷикони вилоят ва вусъати ҳамкориҳои иқтисодӣ, фарҳангӣ ва гуманитарии байниминтақавӣ мулоқоти судманд анҷом дод. 
Мусоҳибон бо мақсади расидан ба ҳадафҳои мутақобилан судманд гурӯҳҳои кории муштаракро созмон доданд, ки то даҳаи аввали моҳи декабри соли равон созишномаҳои марбутаро барои тасдиқ ва мавриди амал қарор додан омодаву пешниҳод намоянд. 
Ҳамчунин раиси Маҷлиси миллӣ дар ҷараёни  сафараш ба Русия бо ҳайати расмӣ  ҳамчун рамзи эҳтиром ба қаҳрамониҳои акарону афсароне, ки  дар набардҳои Ҷанги Бузурги Ватании солҳои 1941-1945 фавтидаанд, дар назди оташи ҷовидони девори Кремл гулчанбар гузошт.