Мулоқоти Ш.Саид бо Ҷ.Лиф

Душанбе, 01.10.2014. (АМИТ «Ховар», Кристина  Эрлих). – 30  сентябр  дар  шаҳри  Душанбе  мулоқоти  раиси Палатаи  савдо  ва  саноати  Тоҷикистон  шариф  Саид  бо  роҳбари  лоиҳаи USAID оид ба  савдо ва  мусоидат  ба  Афғонистон  дар  Тоҷикистон  хонум Ҷули Лиф ва  мутахассиси   бахши  тиҷорати  лоиҳа  Камолиддинов Парвиз  сурат  гирифт. Дар  ин  бора  аз  ПСС ҶТ  ба  АМИТ «Ховар»  хабар  доданд.
Ҷонибҳо  масъалаи имзои  минбаъдаи   созишномаи  чорҷониба  дар  бораи  ҳамкорӣ  дар  бахши  тиҷорати байни  палатаҳои  савдо  ва  саноати Тоҷикистон, Қирғизистон,  Афғонистон  ва федератсияи Палатаи  савдо ва  саноати  Покистонро  мавриди  муҳокима  қарор  доданд.
Ҷули  Лиф   зикр  намуд, ки  яке  аз  вазифаҳои  асосии  лоиҳаи USAID иборат  аз  мусоидат ба  рушди  равобити  тиҷоратию  иқтисодии байналмилалӣ  дар  Осиёи  Марказӣ ва  афзун  намудани  иқтидори  содиротии  минтақа  аст. 
Шариф  Саид  омодагии  худро  ба   дастгирии  рушду  таҳкими  ҳамкорӣ ва нақшаи  таъсис  додани Шӯрои  муштараки  миёни палатаҳои   савдо  ва  саноати  кишварҳои  зикршуда  иброз  дошт.