Мусодираи 20 кило героин дар пойтахт
Душанбе, 10.10.2014. (АМИТ “Ховар”, Мавҷуда Анварӣ).- Дирӯз аз ҷониби кормандони РВКД дар шаҳри Душанбе шаҳрванди Ҷумҳурии Исломии Афғонистон Бозмуҳаммад Сафари 27-сола, истиқоматкунандаи шаҳри Душанбе бо гумони даст доштан дар қочоқи маводи мухаддир дастгир шуд.
Тибқи иттилои маркази матбуоти Вазорати корҳои дохилии кишвар, ҳангоми кофтуков аз дохили борхалтаи ӯ маводи нашъадори сахттаъсири героин дарёфт гардид, ки вазнаш 19 килою 488 граммро ташкил медиҳад.
Нисбат ба далели мазкур парвандаи ҷиноӣ оғоз гардида, тафтиш идома дорад.