Намоиши маҳсулоти косибон

Душанбе, 03.10.2014. (АМИТ «Ховар», Анна  Мошенко ). – Ба  муносибати  таҷлили 90 – солагии  пойтахт 12  октябр  дар  шафати Маҷмааи  тиҷоратии «Пойтахт – 90»  маросими  намоишу   фурӯши  маҳсулоти  косибон  баргузор  мегардад. 
Тавре  ки мақомоти  иҷроияи  ҳокимияти давлатии   шаҳри  Душанбе  хабар  медиҳад,  дар  ин  маросим ҳамаи  косибони  хоҳишманд  метавонанд иштирок  намоянд. Ҳамаи  маҳсулоти ба  маърази  намоиш  гузошташуда бояд  бо  нархи  дастрас  фурӯхта шаванд.
Дар  чорабинии  мазкур  беш  аз  15 ташкилот  иштирок  хоҳад  кард.