Парлумон ба қонуни гаравхона илова ворид менамояд

        Душанбе, 07.10.2014.(АМИТ «Ховар», Марзия Саидзода).-Аъзои Шӯрои  палатаи поёнии Парлумони Тоҷикистон дар ҷаласаи Шӯро, ки 7 октябр таҳти раёсати Шукурҷон Зуҳуров- раиси  Маҷлиси намояндагони Маҷлиси Олии ҷумҳурӣ баргузор гардид, масъалаи ворид намудани иловаҳо ба Қонуни Ҷумҳурии Тоҷикистон «Дар бораи металҳои қиматбаҳо ва сангҳои киматбаҳо»-ро баррасӣ намуданд.
   Амир Катаев-раиси Кумитаи Маҷлиси намояндагон масъалаи мазкурро шарҳ дода гуфт, ки ҳадафи асосии пешниҳоди ин масъала мутобиқ намудани он ба як қатор қонунҳои амалкунадаи кишвар  аст.
     Назар ба иттилои Муҳаммадато Султонов-котиби матбуотии Маҷлиси намояндагон, дар ҷаласа ҳамзамон лоиҳаи Қонунҳои Ҷумҳурии Тоҷикистон «Оид ба ворид намудани илова ба Қонуни Ҷумҳури Тоҷикистон «Дар бораи фондҳои ғайридавлатии нафақа», «Дар бораи гаравхона»(ломбард)», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи гарави амволи манқул» матраҳ гардиданд.