«Пойтахти озодаи ман»- иқдоми экологӣ
Душанбе, 14.10.2014. (АМИТ «Ховар», Раъно Нусратуллозода).- Ба муносибати ҷашни 90-солагии шаҳри Душанбе дирӯз дар атрофи минтақаи ҷойгиршудаи Донишкадаи молия ва иқтисоди Тоҷикистон таҳти унвони «Пойтахти озодаи ман» иқдоми экологӣ гузаронида шуд.
Тавре ки котиби матбуоти донишкадаи мазкур Машҳура Абдуллоева иттилоъ дод, дар он донишҷӯён, кормандон ва устодони кафедраи фанҳои табиатшиносии донишкада ширкати фаъолона намуда, тарзи дурусти ҷамъ кардани партовҳоро ба аҳолӣ нишон доданд.
Иқдоми мазкур бо ташаббуси шуъбаи тарбияи донишкада гузаронида шуд, ки он барои баланд бардоштани фарҳанги шаҳрнишинӣ ва озода нигоҳ доштани муҳити зист мусоидат менамояд.