Сарбанд аз иҷрои нақша мужда дод
Душанбе, 16.10.2014.( АМИТ «Ховар», Ҳотами Шариф).-Кишоварзони ноҳияи Сарбанд иҷрои дурнамои ҷамъоварии пахтаро 102,5 % таъмин намуданд. Кишоварзони ноҳияҳои Қубодиён, Ҷиликул, Н. Хусрав ва Данғара дар вилояти Хатлон пешсафанд.
Дар ноҳияи тобеи ҷумҳурӣ то имрӯз зиёда аз 7 ҳазору 889 тонна пахта ҷамъовӣ шудааст. Дурнамои ҷамъоварии ҳосили пахта имсол дар ҷумҳурӣ 408 ҳазор тоннаро ташкил медиҳад. То имрӯз зиёда аз 65% дурнамо иҷро шудааст. Ҷамъоварии пахта дар тамоми хоҷагиҳои кишоварзии ҷумҳурӣ бо маром идома дорад.