«Сарояндаи сол — 2014» дар Кохи Ҷомӣ
Душанбе, 3.10.2014. (АМИТ “Ховар”, Мавҷуда Анварӣ).- Дар Кохи Ҷомии пойтахт маросими ҷамъбасти озмуни «Сарояндаи сол -2014», ки аз ҷониби нашрияи «Зан ва мард» эълон гардид, доир шуд.
Нахуст дар саҳна маҷмӯи пероҳанҳои миллии занонаи тарроҳ Умед Кучқориев, ки бо сабки вижаи омезиши тарҳи либосҳои милливу аврупоӣ ва истифода аз ҳунарҳои гулдӯзиву бахиядӯзӣ ва зардӯзии классикии тоҷикӣ офаридааст, ба намоиш гузошта шуд.
Ба як гурӯҳ сарояндагони ҷавони хушовоз, аз ҷумла Меҳринигор, Шаҳром, Сарвиноз, Олим, Фарида, Наимҷон, Мино, Боҳир «Ифтихорнома» ва ҷоизаҳо дар маросими тантанавӣ тақдим гардиданд.