Шароити хуб барои ҳамкории Тоҷикистону Австрия

Душанбе, 16.10.2014. (АМИТ «Ховар»,  Кристина  Эрлих). – «Имрӯз  дар  Тоҷикистон барои   сармоягузорону   соҳибкорон ҳамаи  шароит  фароҳам оварда шудааст», — зикр  намуд  вазири  рушди  иқтисод  ва  савдои  Ҷумҳурии  Тоҷикистон  Шариф  Раҳимзода  дар ҷараёни  мулоқот  бо  Директори  генералии  равобити  хориҷаи Вазорати  федералии  илм,  тадқиқот  ва  иқтисодиёт,  раиси  қисми  австриягии Комиссияи байниҳукуматӣ  оид ба  ҳамкории  тиҷоратию  иқтисодӣ  Франс  Вессиг, ки  14  октябр  баргузор гардид. 
Назар  ба  хабари  Вазорати  иқтисод  ва рушди  савдои  ҶТ,  ҷонибҳо  аз  рӯи  масоили  ҳамкории  иқтисодию  тиҷоратӣ,  рушди  содирот, таҳкими  неруи  истеҳсолии  кишвар  ва  коркарди маҳсулоти  кишоварзӣ,  ҳамчунин  тарбияи  мутахассисони  варзидаи  ин  соҳаи  иқтисодиёти  кишвар  табодули  афкор  намуданд.