Суҳбати сафири Тоҷикистон бо вакили парлумони Аврупо

Душанбе, 02.10.2014. (АМИТ «Ховар», Мавҷудаи   Анварӣ). — 29  сентябр сафири Тоҷикистон  дар  Фаронса  Ҳомидҷон  Назаров бо  раиси  ҳавзаи  7 — уми  маъмурии   шаҳри  Париж,  вакили   парлумони  Аврупо,  собиқ  вазири  адлия  Рашида Дати суҳбат  намуд.
Тавре  ки  ВКХ  ҶТ  хабар  медиҳад,  зимни  суҳбат  доираи  васеи   масоили   муносибатҳои Тоҷикистону  Фаронса,  ҳамчунин   муносибатҳои  мутақобилаи  миёни  Тоҷикистон ва  парлумони  Аврупо  мавриди  муҳокима  қарор  гирифт.
Рашида  Дати  сатҳи   равобити Тоҷикистон  бо  Фаронса  ва Иттиҳоди   Аврупоро  ба  дараҷаи  баланд  арзёбӣ  карда, баҳри  таҳкими  минбаъдаи  муносибатҳои дуҷонибаи  Тоҷикистону  Фаронса  ва  равобити байнипарлумонӣ  бо Иттиҳоди  Аврупо изҳори  ақида  намуд.  Ҳамчунин  ба ҷониби  Тоҷикистон  барои   дастгирии гурӯҳи  низомии  Фаронса  воқеъ  дар  шаҳри  Душанбе, ки  дар  ҳошияи Қувваҳои  эътилофи байналмилалӣ  вазифаи  худро дар  Афғонистон  баҷо  меорад,  изҳори  миннатдорӣ  карда шуд.
Сафир  дар  навбати  худ   изҳор  дошт, ки  ҷониби  Тоҷикистон омодаи  рушду  густариш  додани  ҳамкории  миёни Тоҷикистону Фаронса  аст.