Таҷлили Рӯзи куҳансолон дар ДДХ

Октябрь 2, 2014 10:38

Душанбе, 02.10.2014. (АМИТ «Ховар», Раъно Нусратуллозода).-Дирӯз дар Донишгоҳи давлатии Хуҷанд ба номи академик Бобоҷон Ғафуров ба муносибати Рӯзи куҳансолон мулоқоти ректори донишгоҳ Ғафурҷон Усмонов бо собиқадорони ин тадрисгоҳ доир гардид.
Тавре ки аз Маркази иттилоот ва таҳлили Раёсати донишгоҳ иттилоъ доданд, Ғафурҷон Усмонов бо ёдоварӣ аз ғамхориҳои давлату Ҳукумати мамлакат дар самти беҳбуди зиндагии собиқадорон ва арҷ гузоштан ба хизматҳои куҳансолон, пирони хирад ва бознишастагон афзуд, ки ёди гузаштагону аёдати беморон, мадад ба барҷомондагону бепарасторон, дастгирии ятимону маъюбон, русуми зоҳиру ботинро пок намудан, бахшоиши гуноҳ ва ба ин монанд фазилатҳои некро метавон ҳамчун як фарҳанги нодири инсондӯстиву самимияти миллати мо арзёбӣ кард. 
Раиси Шӯрои собиқадорони донишгоҳ Мавлоно Исмоилов  зикр кард, ки боиси ифтихор ва арҷгузорист, ки бо ташаббуси Раёсати донишгоҳ ба муносибати «Рӯзи байналхалқии куҳансолон», иди пирони кор, пирони ақл, дуокунандагону тарбиятгарони асил, роҳнамоёни зиндагии босаодат ин маҳфили хуб дар донишгоҳамон баргузор гардид.  
Дар ҷараёни мулоқот собиқадорони донишгоҳ андешаҳои хешро доир ба рушду инкишофи ин маъвои хирад ва тарбияи мутахассисони баландихтисос баён намуданд. Ба иштирокдорони мулоқот туҳфаҳои хотиравӣ аз ҷониби ректори донишгоҳ Ғафурҷон Усмонов тақдим гардид.
 

Октябрь 2, 2014 10:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд