Таҷлили Рӯзи забон дар Вазорати рушди иқтисод ва савдо

Душанбе, 03.10.2014. (АМИТ «Ховар», Раъно Нусратуллозода). – 2  октябр  дар Вазорати  рушди  иқтисод  ва  савдои  ҶТ  ба  ифтихори  Рӯзи  забони давлатӣ маҷлиси ботантана  баргузор  гардид. 
Муовини  аввали  вазири  рушди  иқтисод  ва  савдо  Неъматҷон  Бӯриев  ҳозиронро  бо  Рӯзи  забон, ки  ҳар  сол  5  октябр таҷлил  мешавад,  муборакбод  намуд.  Мавсуф  мақоми  таърихии   забони тоҷикро  чун  забони расмии  давлатӣ  хотирнишон  сохта, иброз  дошт, ки  забони давлатӣ  бояд  аз  ҳаргуна  олудагиҳо  нигоҳ дошта, ҳамаҷониба рушду  такмил дода шавад. 
Дар  чорабинии  ботантана   ҳамчунин   шоира  Шаҳрияи  Аҳтамзод,  сардори  шуъбаи  ҳуқуқи  кумитаи   забон ва  истилоҳоти  Ҳукумати  ҶТ Мансури  Шодмон  Ҷамолиддинзода  сухан  карданд.