Тамдиди хатсайрҳои нақлиёти ҷамъиятӣ

Душанбе, 10.10.2014. (АМИТ «Ховар», Анна  Мошенко). – Шаҳрдории  Душанбе  баъзе   хатсайрҳои  сӯйи  Маҷмааи  савдои «Пойтахт – 90» — и  нақлиёти  ҷамъиятиро дароз  кард. 
Тавре  ки котиби  матбуоти шаҳрдорӣ  Шавкат  Саидов  хабар  дод, акнун мошинҳои  мусофирбари №2 ва №25 то Маҷмааи  савдои  «Пойтахт – 90»  ҳаракат  мекунанд. Ҳоло таҳқиқи  масъалаи тамдиди роҳҳои  ҳаракати мошинҳои дигари мусофирбари  шаҳр  то  маҷмааи  мазкур  идома дорад. 
Ёдовар  мешавем, ки  Маҷмааи  савдои «Пойтахт – 90»    се ошёна дошта, дар  ошёнаи  якум 27  мағоза,  дар  ошёнаи   дуюм  28  мағозаю  2  қаҳвахона  ва  дар  ошёнаи  сеюм  се  нуқтаи хӯроки  зудтайёр ва  тарабхона ҷойгиранд.