Тарабхонаи «Тоҷикистон»- дар хизмати сокинон
Душанбе, 8.10.2014. (АМИТ “Ховар”, Мавҷуда Анварӣ).- Дар шаҳри Хуҷанд бо ташаббуси соҳибкори инфиродӣ Тоҳир Ҷумъаев ва дастгирии мақомоти иҷроияи ҳокимияти давлатии шаҳри Хуҷанд тарабхонаи хуштарҳу замонавии «Тоҷикистон» ба фаъолият оғоз намуд. Тоҳир Ҷумъаев дар рӯзи ба фаъолият шурӯъ намудани ин тарабхона маросими хатнасури 20 нафар фарзанди оилаҳои камбизоатро баргузор намуд.
Дар чорабинии мазкур раиси шаҳри Хуҷанд Раҷаббой Аҳмадзода иштирок намуда, барои ин кори хайр ва иқдоми нек ба соҳибкор изҳори сипос кард.
Тарабхона бо маблағи зиёда аз 2 миллион сомонӣ бунёд ёфта, дар он 40 нафар бо ҷойи корӣ доимӣ таъмин шуд. Музди миёнаи маоши кормандони он ҳазор сомониро ташкил медиҳад.