Таъсиси Маркази тестӣ дар ДДХ

Душанбе, 10.10.2014. (АМИТ «Ховар», Раъно Нусратуллозода).- Дар Донишгоҳи давлатии Хуҷанд (ДДХ) ба номи Бобоҷон Ғафуров  Маркази тестӣ таъсис дода шуд. 
Тавре ки аз донишгоҳи мазкур иттилоъ доданд, ҷиҳати ба роҳ мондани раванди фаъолияти Маркази тестӣ бахшҳои таъминоти барномавии маркази тестӣ,  сифати маводи таълим, аппелятсия ва кор бо қарздорон низ таъсис дода  шуд. 
Тибқи иттилои манбаъ феълан Маркази тестии донишгоҳ  расман ба фаъолият оғоз намудааст ва дар навбати аввал гузаронидани санҷишҳои омӯзиширо ба роҳ монданист ва шуруъ аз моҳи январи соли 2015 тамоми санҷишу имтиҳоноти донишгоҳ аз тариқи Маркази тестӣ роҳандозӣ мешавад. Гуфта мешавад, ки ин тадбир ба хотири боз ҳам шаффофу ҷавобгӯ ба талаботи замони муосир гузаронидани марҳилаҳои санҷишу имтиҳоноти донишҷӯён мусоидат менамояд.