Тоҷикистон ба вақти “зимистона”намегузарад

Душанбе,08.10.2014 (АМИТ“Ховар”, Фарзонаи Давлат).-Аз 26-уми октябри соли равон аз соати 03:00-и шаб ба вақти маҳаллӣ тафовути вақт миёни Тоҷикистону Русия ду соатро ташкил мекунад.
Бино ба иттилои Агентии стандартизатсия, метрология, сертификатсия ва нозироти савдои назди Ҳукумати Тоҷикистон, мутобиқи моддаи 6-и Аҳднома “Дар бораи ҳамкорӣ бобати таъмини ягонагии андозаи вақт ва басомад”, ки дар даҳаи якуми октябри соли 1992 аз ҷониби давлатҳои аъзои Иттиҳоди Давлатҳои Мустақил имзо гардид, якчанд кишвари аъзо 26-уми октябри соли равон аз соати 2:00-и вақти Маскав ба вақти “зимистона” мегузаранд ва ақрабаки соат як соат қафо бурда мешавад.
Тоҷикистон аз соли 1991 ба вақти “зимистона” намегузарад, аз ин рӯ дар қаламрави ҷумҳурӣ ақрабаки соат қафо бурда намешавад.