Туркманистон дар Ҷиликул мактаб месозад
Душанбе, 15.10.2014.(АМИТ «Ховар», Марзия Саидзода).- Ҳукумати Туркманистон бо харҷи 3, 5 миллион $ барои фарзандони оилаҳои туркмантабори хоҷагии «Эргаш Султонов» -и ноҳияи Ҷиликул, воқеъ дар ҷануби Тоҷикистон, мактаби замонавӣ бунёд менамояд.
Дар иртибот ба ин 15 октябр вакилони Маҷлиси намояндагони Маҷлиси Олии Ҷумҳурии Тоҷикистон Созишнома байни Ҳукумати Ҷумҳурии Тоҷикистон ва Ҳукумати Туркманистон дар бораи сохтмони бино (маҷмӯи биноҳо)-и мактаби миёнаи таҳсилоти умумии ба номи Махдумӯулӣ дар хоҷагии деҳқонии «Эргаш Султонов»-и ноҳияи Ҷиликули вилояти Хатлони Ҷумҳурии Тоҷикистонро тасдиқ намуданд.
Вазири маориф ва илми кишвар Саид Нуриддин, ки санади мазкурро дар Парлумон шарҳ дод, гуфт, ки мактаби миёнаи таҳсилоти умумӣ аз ҷониби Ҳукумати Туркманистон дар доираи ҳамкориҳои илмию фарҳангии ду кишвар барои 540 нафар хонанда сохта мешавад.
Дар бунёди мактаби мазкур мақомоти иҷроияи маҳаллии ҳокимияти давлатии ноҳияи Ҷиликул ва Сафорати Туркманистон дар Ҷумҳурии Тоҷикистон мақомоти ваколатдор маҳсуб ёфта, аз ҷониби онҳо бобати бунёди сохтмони маҷмӯи биноҳои мактаби мазкур тендер эълон мешавад. Дар тендер ширкатҳои сохтмонии Тоҷикистону Туркманистон ва дигар кишварҳои хориҷӣ ҳуқуқи иштирок карданро доранд. Баъди муайян гардидани пудратчии бунёди мактаби мазкур корҳои сохтмонӣ дар ин иншоот оғоз мегарданд.
Хамзамон дар асоси ин созишнома ҷониби Туркманистон ҷиҳати овардани таҷҳизот аз пардохти ҳама гуна андозҳо ва дигар боҷу хироҷ озод мешавад. Зикр шуд, ки созишномаи мазкур ҷиҳати тасдиқ аз ҷониби Президенти Тоҷикистон Эмомалӣ Раҳмон ба Парлумон пешниҳод гардидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






