Вохӯрии Шариф Раҳимзода бо Кунио Микурия

Душанбе, 2.10.2014. (АМИТ “Ховар”, Мавҷуда Анварӣ).-   Имрӯз   вазири рушди иқтисод ва савдо Шариф Раҳимзода бо Дабири кулли Созмони ҷаҳонии гумрук Кунио Микурия вохӯрӣ намуд.
Дар ҷараёни мулоқот, ки дар шароити ҳамдигарфаҳмӣ сурат гирифт, ҷонибҳо вазъи кунунӣ ва дурнамои ҳамкориҳои Тоҷикистон ва созмони мазкурро мавриди муҳокима қарор дода, аз сатҳу сифати робитаҳои тарафайн дар давоми ин солҳо изҳори қаноатмандӣ намуданд.
Ҳамзамон зикр гардид, ки баъди воридшавии Ҷумҳурии Тоҷикистон ба Созмони ҷаҳонии савдо кишварамон баҳри таъмини уҳдадориҳояш дар назди ин созмон, аз ҷумла дар самти гумрук кӯшиш ба харҷ медиҳад. Ҷонибҳо ҳамчунин дар атрофи ҷорӣ намудани «Равзанаи ягона» дар кишвар, хубтар ба роҳ мондани мубодилаи иттилоотӣ байни хадамотҳои гумрукии кишварҳои ҳамҷавор, дастгирии Созмони ҷаҳонии гумрук дар самти омодасозии кадрҳо ва таъминоти техникӣ мубодилаи афкор намуданд.
Дар интиҳои вохӯрӣ тарафҳо азми худро ҷиҳати густариши минбаъдаи ҳамкориҳо дар сатҳи зарурӣ баён доштанд.