Забон- омили асосии рушду камолоти миллат

Душанбе, 02.10.2014 (АМИТ “Ховар”, Фарзонаи Давлат).- “Забон- омили асосии рушду камолоти миллат ”-таҳти чунин шиор бахшида ба Рўзи забони давлатӣ дирўз бо ташаббуси Бахши ҷавонон, варзиш ва сайёҳии ноҳияи Шоҳмансури пойтахт бо иштироки васеи наврасону ҷавонон машварат доир гардид, ки дар кори он муовини якуми раиси Кумитаи ҷавонон, варзиш ва сайёҳии мамлакат Мавсума Муинӣ ва муовини Раиси ноҳия Файзӣ Қосимова сухан гуфтанд. Бино ба иттилои Кумитаи ҷавонон, варзиш ва сайёҳӣ иштирокчиён оид ба гиромидошт ва пос доштани забони давлатӣ, доир ба дастовардҳои мардуми сарбаланди тоҷик дар зарфи 23 соли соҳибистиқлолӣ, пешгирии гаравиши ҷавонон ба ҳар гуна ҳизбу ҳаракатҳои ифротгароӣ, аз худ кардани забонҳои хориҷӣ ва даъвати ҷавонон ба сафи Қувваҳои Мусаллаҳи кишвар бо ҷавонон суҳбат намуданд. 
Дар чорабинӣ чанд озмуни маърифативу варзишӣ, ки бахшида ба ин сана миёни ҷавонон доир гардида буд, ҷамъбаст ва ба ғолибон диплому туҳфаҳои хотиравӣ супорида шуданд.