Қабули Қонун «Дар бораи назорати содирот»

Ноябрь 13, 2014 12:22

 
Душанбе, 13.11.2014.(АМИТ «Ховар», Марзия Саидзода).-Вакилони палатаи поёнии Парлумони Тоҷикистон лоиҳаи Қонуни Ҷумҳурии  Тоҷикистон «Дар бораи  назорати содирот»-ро баррасӣ ва қабул намуданд.
     «Лоиҳаи Қонуни Ҷумҳурии  Тоҷикистон «Дар бораи  назорати содирот» бо назардошти шартҳои нави Қатъномаи Шӯрои амнияти Созмони Милали Муттаҳид /СММ/ ва   Созишнома оид ба тартиби ягонаи назорати содироти давлатҳои аъзои Иттиҳоди иқтисодии АвруОсиё,  инчунин бо истифода аз таҷрибаи қонунгузории дигар кишварҳо таҳия гардида,  аз ҷониби Ҳукумати кишвар барои баррасӣ ба  Парлумон ироа гардидааст», гуфт дар назди вакилони Парламони мамлакат Шариф Раҳимзода -вазири рушди иқтисод ва савдои ҷумҳурӣ.
         Вазир афзуд, ки лоиҳаи қонуни мазкур принсипҳои татбиқи сиёсати давлатӣ ва асосҳои ҳуқуқии фаъолияти мақомоти давлатии ҷумҳурӣ,   инчунин ҳуқуқу уҳдадориҳо ва масъулияти иштирокчиёни фаъолияти иқтисоди хориҷиро дар бораи назорати содирот вобаста ба молҳо, ашёи хом, иттилоот,  кору хизмтрасонӣ, натиҷаҳои фаъолияти зеҳнӣ,  технологияҳо,  таъминоти барномавӣ ва молҳое, ки ҳангоми сохтани силоҳи қатли ом ва воситаҳои таҳвили он,  дигар намуди аслиҳа ва техникаи ҳарбӣ дар содир намудани амалҳои  террористӣ  истифода мегарданд, муқаррар менамояд. 
             Ҳадафи асосии лоиҳаи қонуни мазкур  ҳифзи манфиат ва амнияти Ҷумҳурии Тоҷикистон,  амалӣ намудани талаботи шартномаҳои байналмилалӣ ва уҳдадориҳои эътирофнамудаи Ҷумҳурии Тоҷикистон оид ба паҳн накардани силоҳи қатли ом, воситаҳои таҳвили он,  назорати содироти маҳсулоти таъминоти ҳарбӣ ва инчунин фароҳам овардани шароит барои  ҳамгироӣ дар сатҳи ҷаҳонист. Қабули қонуни мазкур барои иштирокчиёни  фаъолияти иқтисоди хориҷӣ, ки амалиёти содирот вобаста ба молҳо, ашёи хом, иттилоот, кору хизматрасонӣ, натиҷаҳои фаъолияти зеҳнӣ,  технологияҳо, таъминоти барномаҳо ва молҳое, ки ҳангоми истеҳсоли  силоҳи қатли ом ва техникаи ҳарбӣ истифода мешаванд, заминаи меъёрӣ ва ҳуқуқӣ фароҳам меорад.
 

Ноябрь 13, 2014 12:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд