Қарзи хориҷии Тоҷикистон — баробари беш аз 2 миллиард доллар

Душанбе, 26.11.2014. (АМИТ «Ховар», Покизаи Шодмон).- То якуми октябри соли равон маблағи умумии қарзи хориҷии Тоҷикистон 2 миллиарду 122 миллиону 400 ҳазор доллари ИМА – ро ташкил дод. Мувофиқи маълумоти Вазорати молияи Тоҷикистон, қарзи мустақими давлатӣ беш аз 1,9 миллиард доллар, қарзҳои дорои кафолати давлатӣ 19,34 миллион доллар ва қарзҳои кафолатҳои ҳукуматинадоштаи корхонаҳои давлатӣ 31,5 миллион долларро ташкил доданд.Қарзи Бунёди асъори байналмилалӣ барои нигаҳдории мувозинати пардохтҳое, ки вазифаи таъмини Бонки миллии Тоҷикистонро баҷо меоранд, 152,42 миллион доллари ИМА — ро ташкил медиҳад.