Қатъи роҳи қочоқи нашъа аз Афғонистон ба ИДМ

Душанбе, 28.11.2014. (АМИТ «Ховар», Мавҷуда Анварӣ). —  Кормандони Агентии назорати маводи нашъаовар боз як амалиёти бобарори  қатъи канали қочоқи маводи нашъаовар аз Афғонистон ба Иттиҳоди Давлатҳои Мустақилро пешгирӣ карданд.
Аз ҷониби кормандони ин ниҳод дар ҳудуди шаҳри Душанбе мошини боркаши тамғаи «Dulon»  бо гумони интиқоли ғайриқонунии маводи нашъаовар  боздошт гардид. Бо истифода аз саги хизматӣ  аз дохили  он  64 бастаи маводи навъи ҳашиш, ки вазнаш 35 кг-ро ташкил медод, дарёфт шуд.
Мутобиқи маълумотҳои мавҷуда, маводи мусодирагардида ба вилояти Хатлони Ҷумҳурии Тоҷикистон бо роҳи пинҳонӣ аз вилоятҳои шимолу-шарқии Ҷумҳурии Исломии Афғонистон барои интиқоли  минбаъдаи он аз тариқи ҳудуди вилояти Суғд ба Иттиҳоди Давлатҳои Мустақил ворид гардидааст.  
Бо гумони омода ва содир кардани ҷинояти мазкур ронандаи мошини боркаш дастгир шуд.
Аз рӯйи ҳодисаи мазкур аз парвандаи ҷиноятӣ оғоз гадидааст.