Ҳафтаи таҳсилоти байналмилалӣ дар Душанбе
Душанбе, 11.11.2014. (АМИТ «Ховар», Фарзона Достонзода).- Аз 17 то 21 ноябр дар шаҳри Душанде Ҳафтаи таҳсилоти байналмилалӣ дар Тоҷикистон баргузор мешавад. Тавре ки аз сафорати ИМА дар Тоҷикистон ба АМИТ «Ховар» хабар доданд, ин чорабинӣ бо ифтитоҳи ярмаркаи таҳсилотӣ дар Маркази Исмоилия оғоз меёбад. Созмони «Шӯроҳои таҳсилоти байналмилалии Амрико», Пажӯҳишгоҳи «Ҷомеаи кушода», Маркази фарҳанги «Бохтар», Барномаи Эрасмус — Хадамоти табодули академии Олмон, Донишгоҳи Осиёи Марказӣ ва Маркази таҳсилотии «Мултикид» иштирокдорони ҳафтаро бо барномаҳои таҳсилотӣ шинос карда, дар бораи имконоти таълиму таҳсил иттилоъ медиҳанд.