Ҳамадонӣ: қабули савганди ҳарбӣ

Ҳамадонӣ, 20.11.2014. (АМИТ «Ховар», Сулаймони Хол).-Дар қисми низомии  21-33-и Сарраёсати қӯшунҳои сарҳадии Кумитаи Давлатии  Амнияти Миллии Ҷумҳурии Тоҷикистон  маросими савгандёдкунии наваскарон баргузор гардид. Дар ҳамоиш раиси ноҳия, роҳбарияти қисми низомӣ, меҳмонон ва волидайни наваскарон иштирок намуданд. Дар назди ҳозирон 90 нафар ҷавоне, ки дар даъвати тирамоҳии соли 2014 ба сафи Қувваҳои мусаллаҳи Ҷумҳурии Тоҷикистон, аз ҷумла қисми низомии 21-33 шомил гардиданд, савганд ёд карданд. Баъд аз савгандёдкунӣ раиси ноҳия, роҳбарияти қисми низомӣ, меҳмонон ва падару модарон наваскаронро табрик гуфта, зикр карданд, ки ҳифзи марзу буми ватан вазифаи ҳар як шаҳрванд ба ҳисоб меравад ва бояд ҷавонон дар сафи Қувваҳои мусаллаҳ маҳорату малака омӯхта, барои хизмати Ватан ҳамеша омода бошанд.
Дар ҳамоиш афсарону аскарони қисми низомӣ барои хизматҳои содиқона бо ифтихорнома ва нишонҳо сарфароз гардонида шуданд.