Ҷаласаи гурӯҳи хурди Дублин дар АНММ
Душанбе, 20.11.2014. (АМИТ «Ховар», Кристина Эрлих ).- 19 ноябр дар шаҳри Душанбе таҳти раёсати сафири Италиё дар Тоҷикистон Риккардо Манара ҷаласаи гурӯҳи хурди Дублин баргузор гардид.
Дар ҷаласа намояндагони корпусҳои дипломатии Афғонистон, Олмон, Британияи Кабир, СҲШ, Ӯзбекистон, ҳамчунин САҲА, Барномаи рушди СММ ва раёсати СММ оид ба маводи мухаддир ва ҷинояткорӣ ширкат доштанд.
Тавре ки Агентии назорати маводи нашъаовари назди Президенти ҶТ хабар медиҳад, иштирокдорони ҷаласа бо вазъияти маводи мухаддир дар Тоҷикистон, ҳамчунин минтақаи Осиёи Марказӣ ва тадбирҳои Ҳукумати Тоҷикистон дар бахши таҳти назорат гирифтани маводи мухаддир, ташкили ҳамкории мақомоти ҳифзи ҳуқуқи ҷумҳурӣ, аз ҷумла бо ҳамтоёнашон аз кишварҳои дигар шинос карда шуданд.
Зикр шуд, ки «фақат бо саъю кӯшишҳои якҷояи ҳукуматҳои кишварҳои Осиёи Марказӣ, созмонҳои байналмилалӣ ва ҷомеаи ҷаҳон дар мубориза бо қочоқи маводи мухаддир натиҷаҳои дилхоҳ ба даст овардан мумкин аст».
Иштирокдорони ҷаласа барои расонидани ёрии ҳамаҷониба ба мақомоти салоҳиятдори ҷумҳурӣ ба манзури афзун намудани иқтидори онҳо ва рушду густариши ҳамкории байналмилалӣ дар муборизаи зидди гардиши ғайриқонунии маводи мухаддир тавсияҳо ироа намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






